Helse- og omsorgsminister Jan Christian Vestre (Ap) meiner det er viktig med nasjonale retningslinjer fordi folk skal vere trygge på at dei får god helsehjelp når dei treng det.
Foto: Terje Bendiksby / NTB / NPK
Vestre vil ha nasjonale retningslinjer for hjarteinfarkt-behandling
Helseminister Jan Christian Vestre (Ap) ber Helsedirektoratet om å lage forslag til nasjonale retningslinjer for hjarteinfarkt-behandling.
Det er om lag 10.000 tilfelle av akutt hjarteinfarkt i Noreg i året, men så langt har vi ikkje hatt nasjonale retningslinjer for behandling, skriv NRK.
– Det er viktig med slike retningslinjer fordi folk skal vere trygge på at dei får god helsehjelp når dei treng det. Samtidig er det viktig at vi har nasjonale, faglege retningslinjer som er tilpassa norske forhold. Det er det vi no ber Helsedirektoratet om å utarbeide, seier helseminister Jan Christian Vestre.
