Vestlandsvegar til frukosten

Onsdag 16. november er det duka for ny frukostrunde i Åkrafjorden. Denne gongen kjem Halvor Folgerø på besøk til Frukost ved fjorden. Halvor Folgerø (f. 1967) er journalist, musikar og forfattar frå Stord. Han har i ei årrekke vore tilsett i NRK. Vestlandsvegar» var hans tredje bok, og blei ein bestseljar. I oktober 2022 kom oppfølgjaren Fleire Vestlandsvegar – frå Trollstigen til Djevelens veranda» Vestlandet er kjent for smale, svingete vegar gjennom tronge fjordar og over bratte fjell. Dei var spektakulære, men også farlege. Nokre vegstrekk er kjende og ikoniske, som Måbødalen, Tokagjelet og Trollstigen. Andre er meir berykta enn berømte, som den gamle vegen gjennom Åkrafjorden, eller den såkalla Djevelens veranda i Eigersund. I foredraget får du forteljingar om livet på og ved vestlandsvegane i nær fortid.