Her er det plass for at verdas største båtar kan få si siste oppankring før opphogging og resirkulasjon.
Arkivfoto: Arne FrøkedalFOTO: Arne Frøkedal
Verst om sommaren
Når ein auka mengde vrakdelar blir lagra på land, er det eit tema både i søknadsprosessen og i løyvet at det kan bli meir dårleg lukt av rotning frå groing på installasjonane. Spesielt gjeld dette naturleg nok på varme dagar.
Miljødirektoratet stolar på at dei på basen har god nok fokus på å minimalisera dette. Det er på installasjonar som har stått fast stasjonert at dette er eit problem. Eit skip har i praksis berre groing dersom det har vore i opplag.
Organisk rotelukt
I løyvet frå Miljldirektoratet er det peika på at hindring av lukt må ha kontinuerleg fokus. Spesielt i varme periodar kan lukta av groing frå undersjøiske delar som ligg på land, vera temmeleg påfallande. Rett og slett rotelukt frå store mengder rotnande blåskjel, tang og anna organiske vekstar. Direktoratet påpeikar i det utvida løyvet at objekt med potensial for luktforureining, skal behandlast raskast mogleg etter å ha blitt tatt på land og at det må bli tatt omsyn til årstid, vindretning og lufttemperatur.
