Kongebesøket
Ventar mykje folk og utfordringar med parkering under kongebesøket
Det er venta mykje folk til Ølen under kongebesøket og har du lyst til å få eit glimt av kongen og dronninga kan det vera lurt å møta tidleg. Ikkje minst om du kjem med bil.
Det meste er i boks til kongebesøket på torsdag. Programmet er spikra, landgangen som kongen og dronninga skal bruka når dei stig i land ligg klar og ei spesiallaga trapp skal sikra at kongeparet kjem seg trygt på land. Firma til å ta seg av montering av tribune, lys og lyd er leigd inn og sikkerheita er godt ivaretatt med både PST, politi og kongens livgarde klar til innsats.
— Det meste skal vera i rute. Det ser lovande ut, seier ordførar Ole Johan Vierdal og gler seg til det royale besøket.
Les alt om kongebesøket:
