Den rød farga viser kor dekninga kan forsvinne heilt. Den gule viser kor det kan bli reduserte signalILLUSTRASJON: TELENOR
Varslar mogeleg nedetid for mobilnettet i Vikebygd
I samband med Telenor si utbygging av 5G-nettet kan det bli redusert kapasitet og periodevis nedetid for ein del mobilabonnentar på begge sider av Ålfjorden.
Det er Sveio kommune som melder dette på sine nettsider.
Arbeidet ved ein basestasjon i Sveio startar 13. november klokka 08.00 og skal vera ferdig 23. november klokka 16.00. Det er mest sannsynleg med nedetid rundt den 18. november.
Det er først og fremst abonnentar som bur eller oppheld seg langs Ålfjorden som vil bli råda av redusert kapasitet og eventuell nedetid i denne perioden, heiter det i meldinga.
