Vald i Sandeid og fart i Øvre Vats

På eit arrangement i Sandeid vart politiet seint laurdag kveld involvert i det som blir beteikna som ei valdshending.

Vaktsjef Herman Emil Eileraas på politistasjonen i Haugesund, fortel at hendinga var ein konflikt mellom to menn i 20-års alderen. Den eine involverte personen har politianmeldt saka.

Det var elles laurdag kveld rundt klokka 21 at fire bilførarar fekk bøter for å ha køyrt for fort i Øvre Vats. Høgast fart var 96 km/t i 80-sona.