Utval ber helsetenesta leggje planar for å kunne handtere krig: – Ikkje god tid

– I ein slik situasjon kan sjukehus og kommunar få fleire pasientar enn dei har kapasitet til å behandle. Då må dei ha planar og avtaler for å fordele pasientar og for korleis dei kan hjelpe kvarandre, seier helsedirektør Bjørn Guldvog i ei pressemelding.

Han leier utvalet som fredag møttest for å diskutere korleis helsetenesta og Forsvaret kan førebu seg saman i tilfelle det blir krig i Noreg eller andre Nato-land.

– Dette må skje både i kommunane, i helseføretaka, hos statsforvaltarane og på nasjonalt nivå. Ikkje minst må vi samordne planane til helsetenesta med Forsvaret, dei nordiske landa, Nato og EU, seier Guldvog.