Utradisjonell fengselsprest
Fengselspresten i Sandeid er i haust med i NRK sitt realityprogram Ville fristelser». Serien blir spela inn i eit jungelområde i øyagruppa Langkawi i Malaysia, og programmet har vore på skjermen i nokre veker no.
Martin Braut Tjelle (37) er frå Klepp, men bur i Sauda kor han er prest i Ryfylke prosti med teneste i Sauda, Sand og Jelsa. I tillegg har han førti prosent stilling ved Haugaland fengsel i Sandeid.
Plottet i serien er at ti nordmenn utan særleg med hjelpemedel, skal gå gjennom jungelterreng.
— Det er ei venninne som jobbar i eit TV-produksjonsselskap som tenkte at eg ville passa inn i konseptet. Eg var på to intervju. Me visste lite om kva me skulle, utover at det var i eit jungelområde og at det ville bli fysisk og psykisk krevjande, seier han, utan å røpa noko som helst om korleis det gjekk under det tre veker lange opphaldet i Malaysia.
