Varaordførar i Etne Kenneth Karlsen (f.v.) har engasjert stortingsrepresentant Helge André Njåstad i kampen mot utbygging av høgspentmaster i Etnefjellet. Nå har Njåståd kontakta olje- og energiminister Marte Persen om saka. Her er Karlsen og Njåstad med stortingsrepresentant og partikollega i Framstegspartiet Terje Halleland på stand under Etnemarknaden ved eit tidlegare høve.
ARKIVFOTO: TORSTEIN NYMOEN
Utfordrar ministeren om sjøkabel
Helge André Njåstad (Frp) har spurd olje- og energiminister Marte Mjøs Persen (Ap) om kva ho tenkjer om moglegheita for sjøkabel i forbinding med kraftutbyggingar. Han trekkjer fram varaordførar Kenneth Lyng Karlsen sitt engasjement for å skåne landskapsverdiane i Etne.
I går sende Njåstad to skriftlege spørsmål til Persen. Det eine spørsmålet var generelt om utbyggingar:
Hvordan vil ministeren oppmode NVE og Statnett til å prioritere sjø- og jordkabel løsninger for 420kV overføringer, spesielt i kyst Norge?»
Grunngivinga til Njåstad for spørsmålet er at Statnett i sin nettutviklingsplan 2021 planlegg for at forbruket i Noreg kan vakse betydeleg; opp mot 220 TWh i 2050 samanlikna med 140 TWh i dag. Statnett planlegg derfor for at nær alle 300kV overføringar i dagens transmisjonsnett skal oppgraderast til 420kV, i tillegg til nye 420kV overføringar. Alle krev 40 meter brei trase i norsk natur og vil øydeleggje mykje langs traseane her, noko som skaper betydelig lokal motstand utifrå landskapsomsyn, skriv Njåstad.
Trekkjer fram Etne
