Unicef: – Mange norske barn går svoltne til sengs

– Vi er svært uroa over det vi ser no. Når fleire og fleire barn går svoltne til sengs, betyr det brot på dei grunnleggjande rettane til desse barna, seier direktør for barnerettar i Unicef, Sara Bondø.

Ho viser til at det dei siste åra har vore ein kostnadseksplosjon på ei rad grunnleggjande varer som mat, bustad og straum. Rapporten, som byggjer på ei undersøking blant ungdomar i alderen 15–19 år, viser at hushald der begge foreldra jobbar heiltid ser ut til å vere ei utsett gruppe.

Heile fire av ti som seier dei har dårleg råd, har føresette som jobbar fulltid.