Unge blir stengde ute når inngangsjobbane forsvinn

Ein ny global rapport viser at inngangsjobbar for unge har falle med 29 prosentpoeng sidan 2024. Det tvingar unge til å ta jobbar som ikkje samsvarer med utdanninga deira.

Ei internasjonal spørjeundersøking utført av Randstad viser stor nedgang i juniorstillingar. Etterspurnaden etter seniorar held seg derimot stabil, skriv Randstad i ei pressemelding. Randstad er ein global aktør innan bemanning, rekruttering, konsulent- og HR-tenester.

– Dette er ei alvorleg utvikling. Vi ser ei liknande utvikling i den norske stillingsmarknaden. Dei aller fleste krev 3–5 års erfaring, og mange juniorstillingar er rett og slett borte på grunn av KI, seier Marianne Hagen, administrerande direktør i Randstad Norge.