Undersøking: Helse den viktigaste politiske saka

Nordmenn meiner helse er den viktigaste politiske saka akkurat no. Samstundes er det ein aukande sprik mellom forventingane til helsetenestene og det sjukehusa faktisk vil klare å levere i åra som kjem.

I ei undersøking gjort av Spekter, svarar 17 prosent at helse, helsevesen og sjukehus er den enkeltsaka politikarane bør prioritere. 11 prosent svarar sosial ulikskap, medan ti prosent svarar klima og miljø. Undersøkinga viser også at to av tre meiner kvaliteten på norske sjukehus er ganske god eller svært god.

Administrerande direktør i Spekter, Anne-Kari Bratten, meiner politikarane må vere ærlege på kva som er utfordringane framover.