Tunnelbrann enda godt
Om opplevinga var dramatisk, gjekk det heldigvis greitt med dei tre arbeidarane som blei nøydde til å ta seg ut av tunnelen i Litledalen i Etne då det oppstod brann.
Brannen oppstod i ein transformator som gav straum til arbeidsutstyr inne i ein tilkomsttunnel til det planlagte kraftverket, vel 950 meter inne i fjellet ved Hårlandsvatnet. Arbeidarar inne i tunnelen skal først ha merka eit smell med påfølgjande røykutvikling, og kom seg ut med arbeidskøyretøy. Dei hadde lys frå hjelmlykter og frå maskinar og køyretøy, slik at det ikkje blei stummande mørkt.
— Dei kunne varsle om hendinga på walkie-talkie medan dei framleis var på veg ut tunnelen, og deretter kontakta me naudetatane så raskt som råd, fortel Bodil Øyre, prosjektleiar for anleggsarbeidet som entreprenøren YIT for tida utfører på Hardeland i Litledalen, på oppdrag for Sunnhordland Kraftlag (SKL).
Alltid dramatisk
