Etne-ordførar Mette Heidi Bergsvåg Ekrheim fekk gode nyheiter frå regjeringa tysdag. Bildet blei tatt då Sp-ordføraren var på vei til valvake i fjor haust.
FOTO: GRETHE HOPLAND RAVNFOTO: Grethe Hopland Ravn
Kommuneval 2023
— Trua er god, men søvnen er dårleg
For ordførar Mette Heidi Bergsvåg Ekrheim (Sp) blir det eit spennande døger dei neste 24 timane. I sin skinande grøne – ikkje heilt tilfeldig valte kjole – er ho klar for valvake og ein spennande kveld. Er ho ordførar eller arbeidsledig i morgon?
Ho sov ikkje så godt natt til valdagen, men i følgje Mette Heidi Bergsvåg Ekrheim er ikkje det nødvendigvis fordi det er kommuneval denne dagen. Det har berre blitt slik med åra. No er ho klar for valvake med resten av politikarane i Etne kommune, og det blir ein spennande kveld.
— Eg får seie det slik: Trua er god og søvnen er dårleg. Det er jo ikkje tvil om at du brukar ein del tankekapasitet på eit kommuneval, og for meg er det jo ekstra spennande. Har eg jobb i morgon eller ikkje? Eg er ikkje i den situasjonen at eg har ein jobb å gå tilbake til.
