Trimming av frukttre
Har du frukttre i hagen din, er tida inne for å trimma dei nå. Vindafjord hagelag arrangerte kurs i trimming av frukttre på Tantetunet i Sandeid med Jan Magne Staurland, der medlemmene fekk nyttig kunnskap om korleis ein klipper trea rett.
Å kutte greiner handlar om meir enn estetikk – det påverkar både helse og avling. Frukttre treng lys og luft for å produsera smakfull frukt, og ved å fjerne skadde greiner og opna treet meir, blir treet sunnare og meir produktivt. Men det gjeld å vera lur. For mykje trimming kan stimulera uønskt vekst, medan rett teknikk gir betre kontroll.
— Det er små kutt som skal til for å skapa ein reaksjon i treet. Trykker me feil får me ein reaksjon me ikkje hadde forventa. Dei fleste har nok hatt både gleder og sorger med frukttre, seier Staurland.
— Klipping er gasspedalen
