Trebåtfesten i Vikebygd: – Ein draum som blei verkeleg
Med glitrande fjord, skinande trebåtar og smilande folk, gjekk trebåtfestivalen i Vikebygd av stabelen laurdag. Draumen til Dag Nagel-Alne om å få trebåtane ut frå mørke naust og ut på fjorden blei verkeleg, og til stor glede både på sjø og land.
Laurdag samla det seg ni vakre trebåtar i Vågen nedanfor kyrkja i Vikebygd. Det var Dag Nagel-Alne som hadde tatt initiativet, med eit brennande ønske om å få dei gamle trebåtane ut i sola, slik at dei igjen kunne gli gjennom fjorden og skapa liv og glede.
Dette var noko han lenge hadde drøymt om – å samla dei mange trebåtane som ofte ligg gøymde i naust rundt omkring i bygda, og gi dei ein dag i rampelyset. No tok han steget og fekk med seg både vener, familie og kjende frå fjern og nær.
Eit mangfald av båtar og menneske
