Tre aktørar skapar krøll
Tre aktørar køyrer buss i Grannar-distriktet. Det gjere ting vanskeleg for passasjerane.
Kolumbus, Skyss og Haukeliekspressen (Tide) køyrer buss i Grannar-distriktet. Det kompliserer ting. Til dømes er det store skilnadar på billettprisane, sjølv om dei samarbeider om kven som køyrer til kva tid. Og kva selskap som er rimelegast varierer ut i frå kor langt du skal.
Har du mogelegheit til å velje ein avgang med Haukeliekspressen betalar du berre 29 kroner mellom Etne og Ølen (nettpris), medan du altså må ut med meir enn det dobbelte (65 kroner) om du vel ein Kolumbus-avgang på same distansen. Men skal du reise frå Etne til Haugesund må du betale minst 132 kroner (nettpris) med Haukeliekspressen, medan Kolumbus tar 65 kroner frå Etne og 35 frå Ølen for enkeltbillett for vaksne til Haugesund.
Går du på Skyss sine avgangar frå Etne til Ølen betalar du 47 kroner.
