Trafikkulykke nord for Ølen

Ein bil har kollidert med ein hjort nord for Ølen sentrum på E134. Bilen bak der igjen kolliderte i bilen, melder Sør-Vest politidistrikt på Politiloggen klokka 20.25.

—Involverte personar står fram som uskadd, og det er berre materielle skadar, melder Sør-vest politidistrikt.

Hjorten skal ha omkomme i samanstøtet. Trafikkulykka skjedde cirka klokka 19.45.

— Det blei litt trafikkutfordringar. Det var store skadar på begge bilar, og dei måtte tauast vekk, seier Håkon Tornes som er vaktsjef på Haugesund politistasjon.

Vegen er open.