Leiar i Etne Husflidslag Eli Aga (t.v.) rettleiar Annbjørg Bue ved veven. Leiaren har 40 års erfaring med å veva.
FOTO: RENATE SÆVAREID
Bygg og bu
Tradisjonar møter trend
Vevde tekstilar frå gamle klede blir trendy interiør, og interessa er aukande blant unge.
Vevkunst er blitt trendy igjen, og ifølgje Norges Husflidslag er det på frammarsj, særleg blant unge. I Etne Husflidslag har dei merka ei aukande interesse for vevkursa sine, og dei er veldig glade for at fleire unge har fått auga opp for handverket. Dei ønskjer å trekkja med seg endå fleire unge inn i vevverda.
I ei tid der handarbeid og berekraft er i vinden, finn mange gleda i å skapa noko med eigne hender. Vevde produkt gir ikkje berre eit personleg preg, men har også tilknyting til tradisjon og kultur. Interiørdesignarar ser korleis folk brukar vevde tekstilar for å skapa varme og særpreg i heimane sine, frå handlaga veggteppe til puter, tepper og løparar.
Frå gammalt til nytt
