Topp stemning på Skånevik Bluesfestival
Det var godt med folk på Bluesfestivalen allereie torsdag kveld. Vêret var over all forventning og det oste av god stemning.
Skånevik Bluesfestival 2025 opna allereie onsdag kveld med bandet Hereide and the Bluesgangsters. Bandet hadde oppstart i 2005 og tok i mot talentprisen under Skånevik Bluesfestival i 2006. Vokalist og trommis, Bård Henrik Hereide er sjølv frå Skånevik.
På torsdag kveld var det god stemning blant publikum. Arrangøren av festivalen, Alf Warloe Christophersen, informerer om at det var meir folk på torsdagen i år enn i fjor. Tal på campingvogner og båtar var nokså likt som i fjor.
— Det var god stemning i går, men det kjem til å bli endå betre på fredag, seier Christophersen.
