Tok fram gamle tradisjonar

Inne i eitt av dei gamle husa på Sæbøtunet set ein gjeng ivrige barn og jobbar med saks og papir. Frå fargerike papirbitar og gamle tapetrullar tryllar dei fram dei vakraste julekorger. Somme korger er sett saman av fleire fargar, andre er einsfarga. Og midt på kvar korg lyser ei blank stjerne.

— Eg lagar fine hjarte som eg kan leggja snop oppi, seier 10 år gamle Maria Rosseland og viser fram julekorga ho har laga.

Det er ikkje alltid like lett å fletta papirbitane saman på rett måte, men for Maria og dei andre ungane rundt bordet går det som ein leik.