Som ein del av Kreftforeningen si innsamlingsaksjon er russen i Ølen med på laget kvart einaste år. Og dei er kreative når det kjem til måtar å samla inn pengar på. Måndag kveld arrangerte dei Bingo-kveld i kantina på Ølen vidaregåande skule. Det var godt oppmøte, og ivrige var dei.
— Å vera her er tipp topp! Eg har alltid likt å spela bingo, og har spelt i Sandeid tidlegare. Men etter at eg fekk meg ny jobb, og blei nøydd til å gå på jobb dei kveldane det var Bingo, har det blitt lite. Derfor synest eg det var supert med ein slik kveld i Ølen, seier Irene Gullhaug, som er frå Ølen.
Ho kom i lag med Grete Huun Eikesdal, som også er frå Ølen.
