Slik ser Etne kommune seg Fikse næringsområde i framtida.ILLUSTRASJON: ETNE KOMMUNE
Tid for investeringar i Etne
Kommunedirektøren i Etne meiner tida er inne for ei rekkje større investeringar. Samtidig er han klar på at det vil krevje ei effektivisering av drifta.
Ei rekke investeringar har ligge på vent i inneverande økonomiplanperiode. Grunna relativt låg gjeldsgrad og relativt høge inntekter, mellom anna frå konsesjonskraft, ser administrasjonen at tida kan vere inne for å gå materialisere fleire tiltak i åra som kjem. Det meiner kommunedirektør Filippo Ballarin, som la fram sitt forslag til 2024-budsjett tysdag.
Fikse
Det handlar først og fremst om å kome i gang med det lenge planlagde nye industri- og næringsområdet på Fikse. Det skal byggjast ut trinnvis, og i første omgang må ein få plass eit nytt kryss på E134, samt infrastruktur som vatn- og avlaup. Her er planen å kople seg på Vindafjord kommune sitt anlegg i området. Kommunedirektøren håpar at dette kan skje i samband med at Statens Vegvesen skal leggje om delar av vegen i samband med det komande Gul stripe»-prosjektet der. Lykkast ein å følgje ein slik plan, trur kommunedirektøren at dei første verksemdene som vil etablere seg kan setje spaden i jorda hausten 2025.
