Konsernsjef Stig Hatteland k Hatteland Gruppen konstaterer at 2020 var krevjande, men konsernet levert likevel eit overskot på over 107 millionar kroner.
FOTO: TORSTEIN TYSVÆR NYMOEN
Tente over 100 millionar i krevjande år
På den eine sida kunne ikkje timinga for koronapandemien vore dårlegare for ei av Hatteland Gruppen sine store satsingar i fjor. På den andre sida gav den meir å gjere for andre selskap i Vats-konsernet.
Vindafjord-selskapet Jakob Hatteland Holding AS, mest kjent som Hatteland Gruppen, har talt opp inntekter og utgifter for fjoråret. Rekneskapen viser eit samla resultat på 107,2 millionar kroner etter skatt.
Bak tala ligg både drift og utvikling av eigne merkevarer, investeringar i andre selskap og på børs og i eigedom.
— Børsen gjekk jo mot all forventning, så på finansbiten vart det eit betre år enn venta, seier konsernsjef Stig Hatteland.
