Tar opp kampen mot denne

Statsforvaltaren i Rogaland (tidlegare Fylkesmannen) åtvarar mot landøyda, ei svært giftig plante som spreier seg i fylket. Nå har fleire aktørar i Rogaland gått saman om ein felles plan for nedkjemping av landøyda. Planen blei i stand etter eit initiativ frå Forum ku, og er bygd på erfaringar som er gjort i Agder.

— Me vil også samarbeida med Agder om fleire av tiltaka. Planen er utarbeida av aktørane Forum ku, Mattilsynet, Rogaland bondelag, Norsk landbruksrådgiving Rogaland, Felleskjøpet Rogaland Agder, Karmøy kommune og Statsforvaltaren i Rogaland, skriv Statsforvaltaren på si heimeside.