Tapte jamspelt B-finale
Etter å ha slått ut lag som Viktoria Berlin og Røa i rundane før finalen, blei Molde for sterke i finalen i B-sluttspelet for jenter 13 år i Norway Cup.
Janet Maria Furseth, med rolle i støtteapparatet, har sett alle kampane laget har spelt i nesten ei heil veke.
— Det blei dessverre 0-2 tap mot Molde, men det var ein jamn kamp med mange målsjansar òg for oss, seier ho.
Annonse
Jentene frå det nye samarbeidslaget for Vikebygd IL, IL Skjoldar, SK Vats og Vindafjord IL har dermed fått maksimalt antal kampar, og det mot mange gode lag. Det bør gjera at dei er godt skodde før haustsesongen.
Deltakinga til dei fem laga frå Fjordar i Norway Cup, må bli beteikna som god. Klubben, som er i sitt første år, kan summera opp at begge gutelaga nådde A-sluttspelet, medan dei tre jentelaga kvalifiserte seg til B-sluttspelet.
