Ta turen til biblioteket i vinterferien

I vinterferien inviterer Vindafjord bibliotek blant anna til LEGO-veka. På ettermiddagen på måndagen treff ein LEGO-Gregor.
Han vil vere dommar i ein byggekonkurranse som blir arrangert måndagen.
Resten av veka kan ein kome innom og bygge med LEGO. Born under 7 år får berre byggje i fylgje med vaksne.

Seniorgaming går føre seg som vanleg på føremiddagen måndag, og på onsdagen blir det høgtlesing for dei minste.
Torsdag inviterer Vanja til garnaktivitetar på Vindaverkstaden.

Heile veka kan ein stikke innom og finne seg ei god bok, lese ei avis, prøve seg på ulike konsollspel,
spele Minecraft, prøve seg på sjakk eller treffe på kjentfolk.

Velkomen til biblioteket.

Slektskafe spesial på Vindafjord bibliotek

På føremiddagen laurdag 25. februar blir det føredrag om bruk av programmet Legacy i slektsforsking.
I tillegg blir det slektskafè som vanleg denne fjerde laurdagen i månaden.

Slekt og data Haugaland vil gje ei god innføring i korleis programmet fungerer,
og kjem med gode tips og råd til blant anna korleis ein legg inn data, legg inn bilete og tek back-up.

På slektskafèen kan alle som er interessert i slektsgransking kome innom for ein god samtale.
Det vil vere frivillige frå Slekt og Data Haugaland tilstade for å gje råd og rettleiing.

Ta gjerne med eigen pc.

Silje Holden Birkeland
Biblioteksjef