Høgre vil opne for sal av norsk skog til utanlandske interessentar. Det trur ikkje Arbeidarpartiet og Senterpartiet er ei løysing for meir aktivt skogbruk.
Foto: Beate Haugtrø / NPK
Strid om kven som kan få fart på skogen
NPK: Det er fleire skogeigarar over 70 år enn under 40 i Noreg, ifølgje Norskog. Organisasjonen ønsker at fleire av eigarane sel eigedomen tidlegare.
Når skogeigarane beheld skogeigedomane utan moglegheit til å bruke dei, blir det eit problem, meiner næringspolitisk sjef i Norskog, Benthe Løvenskiold. Då blir skogen ståande og ikkje teken i bruk til blant anna sagbruk, seier ho til NRK Innlandet.
Anna Molberg i Høgre meiner ei løysing for å få utnytta det fulle potensial til skogen er å oppheve buplikt, fjerne priskontroll og gjere det enklare å kjøpe og selje skog i Noreg. Høgre opnar også opp for sal av norsk skog til utanlandske interessentar.
Arbeidarpartiet og Senterpartiet på si side vil ha eit sterkt statleg eigarskap av skogen.
Emilie Enger Mehl i Senterpartiet trur ikkje dei vil finne løysinga for eit meir aktivt skogbruk utanfor grensene.
— Skogen er Noregs gull for framtida. Om vi sel den ressursen no så har vi gjort det for all framtid. Det er heilt galskap, seier Mehl til NRK.
