Størst motstand mot metanhemmarar utanfor dei store byane

Fire av ti er heilt eller delvis usamde i at det bør tilsetjast metanhemmarar i fôret til kyr, ifølgje ei Sifo-undersøking. Motstanden er størst på små stader.

Heile landet under eitt svarer 15 prosent at dei er heilt eller delvis samde i at metanhemmarar, som til dømes Bovaer, skal tilsetjast, medan 42 prosent svarer at dei er heilt eller delvis usamde, skriv Nationen.

I store byområde er 34 prosent usamde – anten heilt elles delvis – medan 49 prosent svarer det same i bygder, tettstader og mindre byar. Dei som er for metanhemmarar – anten heilt eller delvis – utgjer høvesvis 20 og 11 prosent.