Storslått opning av bane

LESAREN MELDER: Sist laurdag var det offisielle opninga av pumptrackbanen i Vikedal. Cirka 70 personar møtte opp i finvêret. Vigleik Bakkedal frå Vindafjord IL opna banen med å klippe ei snor – som var eit sykkelkjede.

Under opninga av banen var mange barn og unge i farten med sykkel eller sparkesykkel. Nokre ivrige vaksne også. Blant desse var Kristoffer Lindøe Apeland frå CHK Haugaland, som imponerte med høge hopp og kule triks på sin bmx-sykkel.

Det var inspirerande for dei unge å sjå kva som er mogleg å få til, og motiverande for å øve meir. I kiosken var det sal av pølser, is, brus og kaffi.