Storkosar seg på julemarknad

— Me har laga alt sjølv. Me har gjort alt på fritida etter skuletida. Heile klassen har vore med, seier Liam Vika Knudsen, Johan Tendal, Bjørn Marius Eliassen Molnes og Endre Funderud og viser fram dei flotte produkta som dei 16 elevane i åttande klasse ved Skånevik skule har laga til julemarknaden.

I løpet av eit par ettermiddagar har dei tova og fingerhekla fargerike sitjeunderlag, smelta stearin til tennbrikettar, baka julekjeks og laga flotte juledekorasjonar. Inntekta frå salet har dei øyremerka klassetur, men kor reisa går har dei ennå ikkje bestemt.

— Me har ikkje bestemt kor me skal dra, seier dei.