Jonas Gahr Støre takka for tilliten etter at han vart attvald under Arbeidarpartiets landsmøte i mai 2023. Torsdag stiller han på nytt til attval, som einaste kandidat til leiarvervet, når landsmøtet startar i Oslo.
Foto: Heiko Junge / NTB / NPK
Støre før landsmøtet: Eg er klar til å leie Noreg vidare
– I denne jobben er du heilt på – eller heilt av. Eg er heilt på, seier Jonas Gahr Støre berre timar før han blir attvald som partileiar for Arbeidarpartiet.
– Eg er heilt på og fullt ut motivert for å halde fram som Arbeidarparti-leiar og statsminister, seier Støre til NTB.
Torsdag startar Arbeidarpartiets landsmøte, og Jonas Gahr Støre (64) er einaste kandidaten til leiarvervet. Dette blir sjuande gong partiet vel han som leiar sidan 2014.
