Nils Halleland (t.v.), Atle Aas, Ståle Sørheim, Ingvor Gundegjerde, Marta Onstein og Ole Mæhle(ikkje til stades på biletet) står bak prosjektet.
Foto: Irene Mæland Haraldsen
Stødle kyrkje har fått informasjonstavle
Eit staseleg informasjonsskilt i solid tre er komen på plass ved Stødle kyrkje i Etne.
Etne sogelag står bak ideen om eit informasjonsskilt ved den eldste kyrkja i Etne, og med god hjelp av lokale krefter har kyrkja nå fått ei solid og informativt tavle like ved inngangsporten. Ståle Sørheim har snikra det solide stativet der skiltet har fått plass, Atle Aas har samla informasjon og forfatta teksten, Økland Foto har tatt bilde av kyrkja og Omega Design har stått for designet.
Sjølve stativet er laga i solid furu skore på Frøland sag i Tørsdalen og er ein kopi av fronten av kyrkja.
— Eg har kopiert inngangspartiet, seier Ståle Sørheim som har vidareutvikla ideen til Ingvor Gundegjerde om å bruka inngangspartiet som utgangspunkt for utforminga.
