Stjerna som blei NS-leiar
I den ferske boka Førerkvinnen, får lesaren bli kjent med Olga som var éi av åtte etterkomarar etter Jacob Haaland frå Etne og kona Kamilla frå Kristiania. Faren flytta frå Etne til Askim før han stifta familie, så Olga vaks opp som austlending. Men ho hadde god kontakt med farsfolket sitt og var tidvis på besøk i Etne.
— I 1912 gifta Olga seg med Jørgen Bjoner og busette seg i nærleiken av Drøbak. Som ung hadde ho eit svært usedvanleg framtidsønskje. Mens venninna hennar ville ta utdanning, eller i det minste bli godt gift gjerne i Kristiania, ønskte Olga å bli bondekone sjølv om det betydde arbeid frå morgon til seine kvelden, seier forfattar Bjørn Steinar Beyer.
Han har følgt Olga sine spor frå fødsel til død, og vel så det. Olga fekk nemleg eit stort og lite nyansert ettermæle, ifølgje forfattaren.
