Salen var litt over halvfull då Olje- og energidepartementet inviterte til folkemøte i Ølen kulturhus onsdag i sist veke.
Foto: Grethe Hopland Ravn
Sterke meiningar i begge leirar
Olje- og energidepartementet inviterte denne veka til folkemøte rundt utbygginga av 420 kV-linje frå Blåfalli til Gismarvik. I den litt over halvfulle salen sat både forkjemparar og motstandarar av høgspentlinjene som er planlagde i luftspenn.
Traseen med dei planlagde høgspentlinjene som skal gå dryge 88 kilometer gjennom lufta frå Blåfalli i Kvinnherad til Gismarvik i Tysvær har skapt stor debatt, spesielt i Etne.
No er saka sendt over til Olje- og energidepartementet (OED) for handsaming, og for både tilhengjarar og motstandarar av NVE si innstilling, som ikkje tilrår avbøtande tiltak som inneber jord- og sjøkabel på strekninga, er det snart siste høve til å komma med innspel. Det var det mange som nytta seg av då OED inviterte til folkemøte i Ølen kulturhus sist onsdag. Fagsjef i OED, Gro Caroline Sjølie leia kvelden, og etter at prosjektleiar Kari Eika i Statnett kort hadde informert om traseen og vala som ligg til grunn, blei de
t opna opp for innlegg og debatt.
