Sist veke var kommunikasjonsrådgjevar Marianne Veggeberg og konserndirektør for nett, Elisabeth Vike Vardheim frå Statnett på besøk i distriktet og for å dela sine tankar om straumsituasjonen her.
Foto: Grethe Hopland Ravn
Statnett: Viktig å få straumen raskt fram
Statnett sin konserndirektør for nett, Elisabeth Vardheim, peikar på at meir straum til regionen er svært etterspurt. Blir det bestemt at Statnett må søkja om byggeløyve for jord- og sjøkabel i staden for luft, betyr det store forseinkingar på straumen.
Sist veke besøkte Elisabeth Vardheim distriktet, saman med kommunikasjonsrådgjevar i Statnett, Marianne Veggeberg. Ein av grunnane for besøket var for å besøka Statnett sine tilsette på Haugalandet.
— Saman med eit området heilt i nord, er Bergen og Haugalandet øvst på lista over områdeplanar me jobbar med. Det seier ein del om behovet for straum, når me set prosjekta i distrikta her så høgt. Det er mange som bankar på døra vår med behov for meir straum, så her må me prioritera høgt for å tilfredsstilla behovet, seier Vardheim.
Stort behov for straum
