Stadig fleire blir Miljøfyrtårn
Etter at Brødrene Mæland Bygg og Lauareid Service i Etne nyleg blei sertifisert som Miljøfyrtårn er talet på sertifiserte bedrifter i kommunen auka til 15. I Vindafjord ligg talet på 35.
— Me vil vera bevisst på miljø og bidra med det me kan, seier Lena Furdal i Brødrene Mæland Bygg AS etter at bedrifta nyleg fekk overrekt Miljøfyrtårn-plaketten av ordførar Mette Heide Bergsvåg Ekrheim.
Bedrifta har lagt ned mykje arbeid for å oppfylla alt som krevst for å bli sertifisert og nå står det igjen å halda sertifikatet ved like.
— Det har vore ein heil prosess og eg er glad for å koma i mål. Me har lært utrukleg mykje og me har fått til gode rutinar. Ein gong i året skal me ha ein gjennomgang av resultat og rutinar, og kvart tredje år skal me resertifiserast, seier Furdal som har fått litt hjelp av ein konsulent undervegs i prosessen.
