Geir Pollestad (Sp) vil ha fleire svar frå statsråden.
Foto: Fredrik Varfjell / NTB / NPK
Sp misfornøgd med svaret frå regjeringa om gjeldssletting: – Prøver å sno seg unna
Senterpartiet vil stille nye spørsmål til regjeringa om budsjettfadesen der ordninga med sletting av studielån i distrikta vart kutta.
– Vi må stille nye spørsmål fordi det verkar som om statsråden prøver å sno seg unna å gi ei ærleg forklaring på kva som forårsaka innskrenkinga av ordninga, seier stortingsrepresentant Geir Pollestad (Sp) til NTB.
Tidlegare i månaden sende kontrollkomiteen på Stortinget fleire spørsmål
til forskings- og høgare utdanningsminister Sigrun Aasland (Ap) om kva som skjedde då regjeringa foreslo å kutte i ordninga med sletting av studiegjeld i distrikta i budsjettforslaget sitt. Etter mykje press valde regjeringa å snu og droppa kutta.
Særleg Senterpartiet reagerte sterkt på saka, sidan regjeringa tidlegare hadde forsikra om at det ville komme pengar til ordninga i budsjettet:
