Høgre-leiar Erna Solberg ber regjeringa vurdere å stramme inn overfor ukrainske flyktningar.
Foto: Cornelius Poppe / NTB / NPK
Solberg ber regjeringa vurdere om alle ukrainarar skal få vern i Noreg
Høgre-leiar Erna Solberg ber regjeringa vurdere å stramme inn kollektivt vern av ukrainske flyktningar.
Noreg har til liks med ei rekke europeiske land sagt at alle ukrainarar skal ha automatisk rett til opphald i Noreg så lenge krigen går føre seg. Men Høgre-leiaren seier at vi no ser at det ikkje er krigshandlingar i heile Ukraina.
– Det betyr at det kan vere område som no er i ein situasjon der det faktisk er trygt å vere. Då er det ikkje sikkert at kollektivt vern skal gjelde for alle dei, seier Solberg til NRK.
Høgre-leiaren seier at det gjeld dersom det kjem for mange til Noreg i 2024.
Justisminister Emilie Enger Mehl (Sp) seier at forslaget frå Høgre allereie er til vurdering.
