I juli har vêret gitt store kontrastar mellom Nord- og Sør-Noreg. I sør var det regn og låge temperaturar.
Foto: Gorm Kallestad / NTB / NPK
Slik var vêret i juli – store kontrastar mellom nord og sør
Medan temperaturen sokk og regnet auka i Sør-Noreg, kunne Nord-Noreg skilte med ein varmare og tørrare juli.
Den andre sommarmånaden i år har vore prega av finvêr i nord og gråvêr i sør.
– Temperaturane i Nord-Noreg har vore over normalen så langt i juli. Dei har også hatt mindre nedbør enn normalt, seier klimavakt Nora Mo-Bjørkelund i Meteorologisk institutt til NTB.
I kontrast har Austlandet og Sørlandet opplevd ein kaldare juli, medan Trøndelag og Vestlandet har hatt temperaturar nær normalen.
