Anders Haugland.
FOTO: Nils Tokheim
Slik blir kyrkjejubileet
I samband med at Ølen kyrkje er 150 år, er det laga eit jubileumsprogram frå søndag 3. til og med søndag 10. november.
På programmet er det både nasjonale, regionale og lokale namn. Det er spennvidde frå musikk og teater til foredrag og gudsteneste:
Svein Tindberg kjem søndag 3. november. Han har i fleire år levandegjort det kristne evangeliet gjennom bibelske tekstar og eigne opplevingar. Han spelar både med humor og alvor.
Musikkinnslaga kjem tysdag og laurdag med høvesvis Nils Økland og Sigbjørn Apeland, og det lokale prosjektkoret med Kari Synnøve Haugen som dirigent. Haugesundaren Økland og den opphavlege sveibuen Apeland var i år nominerte saman til Spelemannsprisen i open klasse. Dei er elles etablerte musikarar på nasjonalt nivå over fleire tiår. Prosjektkoret med band skal opptre med lokale og regionale artistar som Lilli Mari Vik, Sveinung Bjelland og Roger Hemnes.
