— Skuffa over regjeringspartia

Skåneviksbuen Johan Strømsvold, som er nyvald kommunerepresentant for Etne venstre, har vore blant dei profilerte forkjemparane for ei full utgreiing av jord-og sjøkabel, og har dei siste åra jobba tett saman med Forum for jord- og sjøkabelteknologi for dette.

Han er følgeleg ikkje nøgd med at Statnett no har fått konsesjon for å bygge Blåfalli-Gismarvik med høgspentlinje gjennom Etne-naturen.

— Me i Etne Venstre er veldig skuffa over at det blei ei slik løysing for kraftoverføringa frå Blåfalli til Gismarvik, seier han.

Natur-avtala

Strømsvold seier at det er skuffande at regjeringspartia Ap og Sp har teke den avgjerda som vart presentert på ein pressekonferanse i Haugaland Næringspark fredag.

— Spesielt med tanke på naturavtalen dei nyleg skreiv under på i Canada, seier han.

Han kjem også med kritikk mot andre parti på Stortinget.

— Diverre stortingsgruppene til Høgre og Frp ikkje villa støtte oss i kravet om å greie ut jord- og sjøkabel, seier han.

Rosar kommunestyret

Han roser det tidlegare kommunestyret i Etne som to gonger har gjort vedtak om krevje ekstern utgreiing av sjøkabel-alternativet.

— Og eg vil takke alle dei som har stått på med at skulle få ei slik utgreiing. Både i Forum for sjø- og jordkabelteknologi og tidlegare Teknisk gruppe. Det er også fleire politiske parti i Etne som har løfta kravet opp til både fylkeslag og stortingsgruppene sine. Eg er glad for arbeidet som er gjort, men som diverre ikkje førte fram, seier han.

— Er du overraska over utfallet?

— Når me har ein olje- og energiminister som for ei tid tilbake stod på Utsira at noko av det finaste han veit om i norsk natur er høgspentlinjer, då kan eg ikkje seie at eg er overraska, seier han.

Han legg til at stortingsrepresentant Ola Elvestuen (V) no har sendt inn eit såkalla dokument 8-forslag for å få endre ei stortingsmelding frå 2011-2012, slik at det i framtidige kraftoverføringsprosjekt kjem krav om å greie ut sjøkabel på lik linje med høgspent.