Etne-ordførar Mette Heidi Bergsvåg Ekrheim.
ARKIVFOTO: Arne Frøkedal
Biogass
Skuffa over nye Renevo-eigarar
Etne-ordførar Mette Heidi Bergsvåg Ekrheim (Sp) er skuffa over det ho har opplevd som ein total tausheit frå Renevo si side etter at selskapet fekk nye eigarar.
I juni 2021 lanserte dåverande Renevo-eigar Jan Kåre Pedersen planane for eit stort biogass-anlegg i Etne. På fremste rad under presentasjonen på Stord sat Etne-ordførar Mette Heidi Bergsvåg Ekrheim og dåverande klima- og miljøminister Sveinung Rotevatn (V) på fremste benk. Og optimismen rundt det som skulle bli ein av dei største investeringane knytt til industri i Etne nokon gong, på rundt 200 millionar kroner, var stor.
Droppar Etne
Men mindre enn tre år seinare er det altså som Grannar kunne melde allereie tysdag klart at Renevo droppar Etne. Selskapet har skifta eigarar to gonger. Først frå Jan Kåre Pedersen og hans med-investorar på Stord, til Gasnor som no har vidareselt til Infravia Capital Partners. Sistnemnde har nyleg stifta selskapet HeyGaz i Spania og HeyGaz Norway som si norske avdeling. Det er dette selskapet som ser ut til å vere ny hovudaksjonær i Biovind AS. Dei har ikkje svart på førespurnadar om intervju frå Grannar, men Biovind har invitert til eit pressemøte i Nerheim næringspark torsdag.
