Senterleiar Ester Osvåg ved Etne senter jobbar med å få inn nye leigetakarar.
Arkivfoto: Irene Mæland Haraldsen
Skremmer vekk måkene
Ved Etne senter har måker vore eit problem i mange år. Men det var før vaktmeister Per Magne Robberstad kom opp med ei smart og enkel løysing.
Nesten kvar einaste dag tidleg om våren tek Robberstad seg ein liten spasertur oppe på taket på Etne senter. Det er nok til at måkene søkjer andre stader å etablera seg.
— Eg går opp på taket fleire gonger i veka. Når det er folk på taket held dei seg vekke og dei rekk ikkje å etablera seg. Dei trivst ikkje i lag med folk, seier Robberstad.
I tillegg til faste spaserturar på taket har senteret lagt ut plastleiker i form av slangar i håp om å skremma vekk fuglane før dei slår seg ned.
