Kvisting, Åsvald Imsland i aksjon.
FOTO: Silje Skibevåg
Skogsarbeidaren må fylla vedlageret
Gradestokken viser rett under null grader og snøen er ikke spesielt djup. Sola og nokre lette snøbyger kjempar litt om plassen. Skogbrukaren er nøgd med forholda, når vedlageret skal fyllast igjen.
— Det var verre for nokre dagar sidan, då snødde det så det var vanskeleg å halde fyr i kaffibålet, ler Åsvald Imsland medan han lagar klar ein kubbe til å setje kaffikjelen på.
Etter fleire veker med gnistrande kaldt vintervèr har det minka godt på veden rundt om i bygdene. Samstundes er det gode forhold i skog og mark for å produsera meir og mange nyttar denne flotte vintertida til arbeid på skogen. Nokre produserer til eige bruk, andre for sal.
— Det som vert produsert nå er klart til neste fyringssesong, forklarar Imsland, men legg til at det òg er mogleg å få ved klar til bruk same sesong som den er henta ut av skogen. Då må ein derimot ha ein vedtørkar og optimale forhold.
