— Skånevik er ein vakker stad med mange koselege menneske

Kva er din favoritthobby?
— Å lesa bøker. Eg likar meg godt i hagen òg.

Kor reiser du helst på ferie?
— Heim til pappa på Austlandet. Her finn eg ein eigen ro.

Kva er det beste med bygda du bur i?
— Skånevik er ein vakker stad med mange koselege menneske. Dugnadsånda er heilt utruleg, og eg likar godt at det er gangavstand til det meste.

Kva saknar du i bygda di?
— Egentleg ingenting, me har jo det meste, men kanskje sola i vekene rundt jul.

Kva er ditt favorittmåltid?
— Eg har ikkje noko favorittmåltid, eg likar mykje forskjellig. Men likar aller best måltida i lag med dei to sønene mine, og han eg er i lag med.

Kva gler deg, og kva irriterer deg?
— Ei uventa fin gjerning frå menneske eg bryr meg om gler meg. Og det irriterer meg når eg ikkje får gjort noko med ting eg skulle ønskje eg kunne gjere noko med.

Dersom du hadde politisk makt, kva ville du kjempa for?
— Heldigvis har eg ikkje det, men eg trur det måtte vore at barn og unge skal ha det trygt og godt. Og at det skal vera attraktivt å bu på bygda.

Kva gjer du når du skal unne deg noko ekstra?
— Ei god bok, kaffi og sjokolade i sofakroken.

Kva er ditt beste barndomsminne?
— Sommarferiane hos mormora mi. Dei hugsar eg som veldig fine, og eg trur det må ha vore sol kvar dag.

Kven ser du mest opp til?
— Pappa. Han er det ein kallar heil ved».