Ny taksering gir eit hopp i verdigrunnlaget for bustader i Vindafjord. Dagens politikarar har vedtatt at formuegrunnlaget frå skatteetaten skal gjelde, men det blir dei nye politikarane etter valet som skal bestemme om det også skal føre til auka skatt for den enkelte. Her formannskapet der berre Ole Johan Vierdal (Sp) er aktuell til å vere med vidare.
Foto: Jon Edvardsen
Skal vurdere nytt skattehopp
Eigedomsskatten auka med 33 prosent i Vindafjord i 2019, og meir kan vere på veg når formuegrunnlaget blir ny takst i 2020. Skal ikkje det skje, må politikarane aktivt hindre ein auke.
Verdien på huset vil gå drastisk opp når det blir taksert på nytt. I neste omgang skal politikarane i Vindafjord bestemme kor mykje det skal svi for lommeboka til den enkelte i ein kommune som svingar spareøksa.
For eit vanleg hus blir verdien heva med 1 million kroner, og det gir eit lang høgare grunnlag å skatte for enn med taksten som husa har i dag i Vindafjord.
Bakgrunnen for den nye takseringa er at den må fornyast kvart tiande år.
