Over tre år er gått sidan Vindafjordhallen brann ned i juli 2019. Fristen for å gjenreise svømmebasseng og bygdehus er juli 2025. Vindafjord har mål om å opne nybygg i 2024.
Arkivfoto: Jon Edvardsen
Skal rivast, men ikkje alt skal vekk
Vindafjord kommune og KLP Forsikring er samde om å starte ei delvis riving på branntomta i Vats etter brannen i Vindafjordhallen natt til 22. juli i år. Målet er å fjerne så mykje at partane kan finne ut restverdien slik KLP har reist krav om.
Ifølgje rådmann Yngve Folven Bergesen skal muren vekk i den delen der svømmebassenget var. Resten av murkonstruksjonen med underetasje skal opp til vurdering av restverdi når det er rydda opp. Der er det teknisk rom som kan sjå relativt uskadd ut.
Rådmannen har hatt møte med KLP der oppgjersform var tema. At KLP vil avkorte 30 prosent av erstatningssummen på grunn av eit bosstativ som hang på veggen, og som kan vere der brannen starta, var ikkje tema. Rådgivingsselskapet Kokkersvold har lage ein rapport med miljøkartlegging av branntomta og det som er igjen av Vindafjordhallen.
