Karin Skjold.
Foto: Privat
Skal hjelpe gravide i distriktet
Karin Skjoldal (37) er namnet på den nye jordmora som skal begynne på Etne Helsestasjon. Ho startar opp i 40 prosent stilling frå 18. august.
— Ho som hadde stillinga sist, sa eigentleg opp ved nyttår. Sidan den var vanskeleg å få tak i ein erstattar, heldt ho på fram til mai. Me er svært glad for at men o har ny jordmor på plass, opplyser leiande helsesjukepleiar Elin Grindheim Hovda ved Etne helsestasjon.
Karin Skjoldal fortel at ho var ferdig utdanna jordmor i 2010, og at ho har jobba ved Haugesund sjukehus sidan den tid.
— No var det på tide med ei ny utfordring, og difor søkte eg meg ut i distriktet, seier Skjoldal, som er oppvaksen i Haugesund.
