Sju sorter i boks

Bygdehuset i Vikebygd har fått seg nytt flott kjøkken. Det passar perfekt til felles julebakst. Det er hektisk aktivitet på bygdehuset i Vikebygd. Ein gjeng bakeglade damer har inntatt kjøkkenavdelinga, utstyrt med kjevle, pågangsmot og godt humør. Sju slag skal i boks denne kvelden. Då gjeld det å halda tempo oppe.

— Er omnen klar no, ropar ei av damene og kjem berande på eit brett sirupssnippar. Første runde julekaker er ferdigkjevla og klar for steikeomnen.

— Du må nok venta litt, svarar Gunn Vikingstad og sjekkar om steikjeomnen er klar til å ta imot ei ny ladning julekaker.